♡♥ 婚紗照 ♥♡

我地開始準備婚禮了

影婚紗相, 訂酒席, 租衫......

♡♥ 只要有你在, 每一天都是情人節 ♥♡


我們的婚紗照

~ 續 ~

係呢度送首歌比大家, Metro唱既My Pride

好似樣呀~!

琴晚去左上環放,  kimi比左隻公仔我, 多謝曬呀
大家睇下似唔似, 我放左埋去影左一張, 之後佳少咬住左隻耳仔呀~~~~~
好在無拉乍.......

佳少: 個樣同我一模一樣喎....um....食唔食得嫁?

正面or側面都咁似

-- 流心湯圓 --

見老公呢幾日有d寒咳, 今晚食完飯番到屋企就煲左碗薑茶比佢飲
之後見有d薑水剩, 而屋企又有d糯米粉, 於是就整左d湯圓喇~!

想整到有d流心既感覺, 咁切片糖既時候要切細少少,
但係千萬唔好切碎, 如果唔係好難包

至於個湯圓皮要落幾多水幾多粉就要視乎情況喇, 呢樣就要靠經驗&手感

♡♥ 甜蜜蜜 ♥♡

初初拍拖當然係糖黐豆咁啦, 係咁電話, 一日幾次
每次都唔捨得收線, 時間過得特別快

♡♥ 想著想著, 不自覺地微笑, 大概這就是幸福 ♥♡

當然, 話比人聽無罵戰過就係騙人, 我相信每對情侶都有吵過架的
好快我地就好愉快咁經過左3年既日子
IVE畢業後, 工作

做左約四個月, 腰傷了, 只好停止工作休息, 睇左差不多二千元醫生
呢個時候, 我地有個想法 " 結婚吧!! "
不過都有各樣既野要考慮, 所以......想想先

直到2009年2月14日---情人節那天

我們每年都會和他朋友&朋友既女朋友過一個熱鬧的情人節
對我黎講, 今年係最特別的情人節
到左食飯既餐廳 (Outback), 點了菜, 這時那個沒有情趣的男人(我老公)
攞出一卷張(好像畢業證書), 用一條粉紅色繩繫著的
他叫我打開來看看吧! 我話一定唔知咩黎, 一定係D無聊野啦
我打開一看, 是一張填左我同佢個名既 " 結婚通知書 "
我是呆了一呆, 就係咁開始左人生另一個階段

我們的求婚儀式沒有玫瑰, 沒有音樂, 沒有介子 (很早就送了)
有的是朋友簡單既見證

♡♥ 愛你就是愛你, 愛你不需要原因 ♥♡ 


~ 續 ~








 

-- 龍躉餐 --

因為琴晚掛住煮, 都唔記得影相
好在d fd 影左

琴晚既龍躉餐:
(一): 清蒸龍躉

(二): 蕃茄洋蔥炆龍躉 + 天使麵

(三): 蒜蓉西蘭花炒龍躉

大合照:

溫馨提示: 薑一定要多

♡♥ 重新 ♥♡

分開左之後, 我地連通電話愈黎愈少>>>直到無, 我地各自開始自己既生活
~~ 讀書 ~~
期間, 都有人追的, 都唔錯的。不過, 唔知點解, 我心總會跟他作比較。

♡♥ 你已擁有我另一半心 ♥♡
.
.
.
中五會考成績終於出黎, 當然唔得, 唔開心一定有。呢個時候, 電話響起, 一個熟識既電話號碼出現在我既眼前---唔係媽咪/ 朋友, 係佢, 講真我冇諗過佢會打黎, 都無接觸年多了, 我猶豫一會, 接下了, 話佢知" ...點點點...... ", 不過之後又沒有聯絡lu
.
.
我選擇重讀
中五畢業後, 我讀IVE>> 呢個時候我地用ICQ通訊
佢叫我打電話比佢, 我立即打給他了
即使號碼已經好耐無按過, 我都可以好快打出了
當佢問" 依~你仲記得我電話? ", 我只係不好意思咁回應" 是呀~號碼易記吧 "

那年中秋節, 我地又再相約。有一次, 同佢D朋友去睇戲
睇戲前, 還是朋友; 睇戲後, 變成情侶
很老土吧!! ~ ~

♡♥ 愛情就是老土, 老土就是甜蜜 ♥♡




~~ 續 ~~

♡♥ 認識 ♥♡

今晚諗番起我地兩個相識既經過, 於是就開左呢個網誌


我相信依家無人用ICQ了, 大家都改用msn通訊lu。 就係七年前一晚, 我膽粗粗咁係ICQ度搵人傾計, 呢個人就係我老公, 我地既故事亦都係o個時開始喇。o個時我都仲係讀中四, 初初我地都只係透過互聯網傾下計。

chat左一段時間,我地交換左電話, 開始煲粥, send email。傾下大家鐘意d咩, 有咩興趣.......漸漸對佢就有d感覺, 唔知點解聽到把聲就開心。雖然大家都無表示過。不過, 是感覺到的。傾左一排(都幾耐), 就約左出街。唔知大家信唔信 "一見鍾情" 呢?!
大概呢個情況會發生係 水瓶座 身上吧!!! 我地係好自然咁開始, 我都唔係好記得點開始lu........

可是, 我地既關係無維持好耐, 只有兩三個月>>>分手係佢提出既, 我中四時, 我唔想比媽咪知住, 因為她有講過最好讀完中五先, 所以我是偷偷地, 加上, 又無時間, 根本好難見面。而佢既工作又好難就時間......我既初戀就係咁完結左

好多朋友都無諗過我係咁識到我依家個老公呢!

到依家我都無話比媽咪知我地係咁識。唔好誤會我媽媽好惡呀, 佢一d都唔惡嫁
只係都過去, 不提也罷


好喇~今日打住咁多先,我要訓zzzzzz^^

~ 續 ~