佳少外遊記

早兩日已經開始同帶佳少出去識朋友仔
我地都識左好多朋友, 好多野唔識都可以請教佢地

今日仲作左大膽既嘗試
就係放繩比佳少玩, 佢玩得好開心
而且一叫佢個名係會過番黎嫁, 真係好怕佢會走老
不過原來佢好細膽, 比隻臘腸追, 佢竟然驚到爬左上張凳度躲埋係人地後面,唔敢落黎
番到屋企就係咁訓zzzzzzz

Sky: 本大少需要休息,請勿打擾

走犯呀

早兩晚半夜, 我同老公聽到個廳有d聲, 於是就即刻望下出面做咩
佳少竟然由個籠度出左黎~都唔知佢用咩方法開既, 佢出左黎幾耐


好在佢只係咬爛左一卷紙巾同埋咬住支白花油
我地罵佢, 佢一d反應都無, 再繼續享受佢卷紙巾
真係................

有新屋

由於佳少大得好快, 話咁快就要換籠喇
琴日個巨籠黎左喇足足大到.......bb床都無咁大
但係因為有兩粒鏍絲唔岩, so未訓得住

今日放佳少入去玩, 點知......佢竟然可以爬左出黎.....見到都好無耐
好在琴晚無比佳少入去訓, 如果佢肯定將間屋反轉都似

Sky: 哈哈~~~ 你地以為呢個高度就難到我咩, 唔好忘記我係爬山專家呢
        今日又搞掂左另一個高山喇

任人魚肉

睇下~佳少係米好乖乖呢
佢真係點搞都無反應~~
事關佢要訓覺ZZZZZZZZ

Sky: 我d牙好好睇咩,唔好打搞我啦,我要zzzzzz

Sky: 唉~真係.........煩(心諗)

Sky: 個地下咁涼咁舒服,我都費事理你地兩個呀....要影就影飽佢啦

四個月大既我

唔知點解,佳少真係大得好快
呢張係岩岩四個月大時影
佢比人既感覺定性好多
雖然仲係好百厭, 但係個性格唔同以前
至少依家可以咁樣同佢影相,之前跟本無可能既~~^^
之前佢一定會搏命爭脫,所以同人影相一定要手抱

Sky: 我依家係米有型有款呢?!

長大了

前兩日發現佳少開始換牙仔,D牙仔鬆喇
到左琴日有隻脫左,眾流牙血tim
唔覺唔覺就黎左我地屋企2個月喇
睇番d相,佢真係大得好快呀

雖然佢係好百厭,有時眾激到我build 煙
不過我發覺養狗狗係可以keep fit嫁(特別係husky)
因為日日都要吸塵,有時可能一日唔止一次,比平時拖地既次數多
每日又要係咁睇住佢.......
但係又好得人鍾意喎,所以睇住佢大o個種開心真係唔知點講

Sky: 睇下~我細個o個時好得意嫁

Sky: 我依家係米好型仔呢