給老公遲來既生日飯

煮番餐九大簋比老公做生日禮物, 因為今年諗唔到送咩又睇唔岩野
本來想正日煮, 但太多節目了, 所以遲左一日先煮
整完之後個人散曬

是日晚餐非常豐富:

• 美國西冷牛扒

• 咸牛肉薯茸

• 肉醬飯

• 蘑菇湯 + 蒜茸包

• 甜品: 牛奶布甸<食譜>

本來個肉醬諗住配天使面, 但係老公話要食飯, 佢真係好鐘意食飯嫁
同埋今次試左新用車打芝士, 不過都係之前o個隻好味d

大集匯

佳少: 主人係門口喇~~ 黎人, 快d開門!

兩隻爛訓豬

co姐: 影緊相牙？

co姐: 佳哥，望下鏡頭啦!一齊影番張合照
佳少: 你知我都唔鐘意影相，自己影吧!

佳少: 望咩呀, 未見過靚仔牙

有時就算玩到幾癲, co姐一見我望住佢/影相, 佢會即刻望過黎
so..........就影到一張上面咁既相了

佳少: 丫~~~~~~~~~~~~~中左

兩個個樣好似呀, 不過co姐你係米哨牙妹黎嫁?!
點解有時會見到你排牙?????

co姐等緊開飯呀~~~~~~好為食呀你

食飯太急既後果~~
佢嘔完望下我望下堆野, 個樣勁唔開心............好可憐啊!!!!!!!!!!!!
睇下你仲敢唔敢食得咁快, 又無人同你搶.............

未訓醒既樣

第七次產檢@17Nov2011

眨下眼就30週喇~~
時間過得真係好快, 醫生話阿b係大頭b, 中size, 可能似老豆掛, 個頭圓圓的
重量就有1.6kg, 大約3磅半
下次產檢要早點了<<12月6日>>

上午檢查完, 下午姑娘打電話黎話我之前係家計會個驗血報告少左項
而醫院要補番~~~32週前!!
咁我只好第二日就去比人抽多次血啦............

手鈎BB背心

前幾日突然想鈎番件比囝囝, 於是就去左JUSCO LIVING PLAZA買左d冷番黎
(本來唔諗住鈎嫁喇, 因為"懶")
跟住o個幾日就係咁鈎鈎鈎, 好快就完成左喇
個size應該著到一歲掛, 依家考慮緊鈎多件細d既等囝囝可以出世著



完成品:

好狠呀~~~~~~~~~~

琴日同奶奶行街買左兩舊骨頭比佳少同coco
睇下佢地食得幾滋味

不過.......之後夜晚就開始我既"執屎之旅"
佳少一向腸胃敏感~~~由五點到第二日下午兩點, 一共四篤(第三次開始實的的, 有無咁多野痾呀你......)
coco就三篤(全是實的的, 有點兒過實呢)........佢地係米私下比賽緊呢???
<痾屎比賽>

真係執"金"執到手軟............可能夜d仲有得執
我投降喇~~以後都唔敢比你地試新野了


佳少: 我要食左你(真係好狼呀!!!!)

coco: 睇下我幾斯文, 我是淑女丫麻


唉~~你地就食得開心, 不過甩見到佳少咁痾, 心都痛埋, patpat痛嗎?!

懷孕生理變化

• 第一個月                                作嘔作悶

• 第二個月至第四個月            嘔到九彩, 頭暈, 鼻腔好乾

• 第五個月                                胃口開始轉好, 開始有腳抽筋, 頭暈持續

• 第六個月                                腰痛開始, 有少少肚紋, 頭暈持續

• 第六個月月尾                        右手皮膚敏感 / 濕疹?????(唔知係米因為換左洗潔精)