波仔@ 9個月

呢個月裡面波仔唔同左好多

學識左扶住企

初初要慢慢起身

依家對佢黎講無難度

有時仲想唔扶野自己起tim

唔知幾時識行呢??

依家仲成日撩人玩

出到街見到人就撩

男女老幼都照殺

人地無理佢都係咁對住人笑

波仔: 媽咪~~眼瞓瞓呀



到食野方面

食爛飯仔喇

可以食到一大碗

一星期通常有兩至三日食魚魚

其他的就食下菜呀肉呀等等

講完食就講下便便~哈哈哈

便便OK

有時日日, 有時隔日

有食菜OR生果就無問題

今個月出緊第一隻牙仔喇

D口水多到丫

攞個盆黎接住就差唔多

已經比人發現左有個小朋友手多多搞窗簾....


仲要扮曬野咁.........

波仔: 嘻嘻

呆樣~~

佢係度做緊咩???

有人努力大解中........

波仔: 我要培養情緒嫁, 唔好騷擾我啦! (吾.....吾........吾.......)