入院既o個幾日.............

24 Jun 2013

波仔因為支氣管炎入左醫院

因 支氣管炎, 波仔發燒同氣喘

入院即晚就要聞氣~有兩隻, 一隻係消炎, 一隻係放鬆氣管既


仲要攞左鼻鼻d分泌物去化驗

可憐既波仔~半夜三更比人整醒幾次去聞氣

所以最辛苦係第一晚

因為每隔兩個鐘就聞一次

根本無覺好訓



好彩到左第二日好d喇~~

有番d笑容

仲好似馬騮仔咁係張床度擒黎擒去tim

見到佢咁都安心d

同埋可以隔三個鐘聞一次

唔使咁密



睇下~

成個人仔都落曬形..........

陰公豬..........

到左第四日好好多喇~可以隔四個鐘聞一次

醫生話見意留多晚, 因為仲有d燒

同埋醫院有氣聞, 聞多日就好d

精神好d喇, 仲要一路聞氣一路睇芝麻街



呢幾日波仔唔肯食固體食物

只係飲奶

mrs. chan 就用d粥水開奶比佢飲

等佢飽肚d

28 Jun

終於可以出院喇



經過呢幾日既煎熬.............

mrs. chan殘到爆曬燈

因為缺乏休息

所以到左今日mrs. chan仲未病好曬

波仔出左院第二日仲失埋聲tim

簡直....................



今日波仔仲要覆診呢~!


希望快d好番啦~~~~