第一個簡單又快樂既生日

1月20日 

波仔過左佢人生中第一個簡單又快樂既生日

仲收左好多禮物呢!!

先係康叔之前送既羽絨



好喇~~ 首先朝早搵嫲嫲飲茶

奶奶話利利是是

睇下佢笑到見牙唔見眼喇



波仔: 收左兩封利是, 用黎買咩玩具好呢???
 



跟住下午收到波仔舅婆電話

有野送比波仔~~~winnie the pooh

多謝曬~~~!

波仔見到佢好like呀




到左夜晚

mr. chan 明明話直接到奶奶屋企食飯

但係遲遲未番到

我就打比佢問佢係邊

佢話"番緊, 唔話你知"

學人搞神秘

波仔都未識啦.......

點知一開門~~嘩

vtech 3-in-1 zebra scooter 

呢個波仔一見到

就好似知道係佢既咁

想去攞......


波仔: 媽咪~係米我嫁??開唔開得呀??


好快脆

mr. chan同康叔就甲手甲腳砌好左喇~~~~~

幾開心

同埋爺爺都俾左封大利是俾波仔買玩具

波仔, 你真係萬千寵愛在一身呀



另外~~

姨婆話拜完祖先要俾隻雞脾佢"奶"下

意思係大個仔喇, 咩都食得 

同埋俾少少蛋黃佢食, 等佢"有黃管" 

好豐富既晚餐呀


生日蛋糕又點少得呢

mrs.chan揀左mini 天使蛋糕 

俾左少少波仔食

睇下個壽星仔幾興奮

唔知許左個咩願呢???哈哈哈

波仔: 我希望日日有蛋糕食

好喇~請切餅

波仔: 呢舊咩黎嫁?!  

睇下佢幾出力

波仔: 可唔可比我切多刀呀?? 

食完曬

玩多一陣就番屋企訓覺lu