-- 滑雞煲仔飯 --

老公order今晚煮滑雞煲仔飯~~
呢次係我第一次煮煲仔飯, 不過都ok, 都成煲清曬, 下次落番少d水仲正

本來買送o個時想買塊阿蘇介紹既"鐵板", 點知要成60蚊
我心諗: "唔係呀, 我d 材料 + 煲都唔使60蚊啦.......真係眼都突埋"
所以, 梗係唔買啦

用鹽, 糖, 豉油, 豆粉醃

水滾先轉細火, 加蓋, 一會兒再把材料放入去

完成


溫馨提示:
用新煲前, 可以沉下水先, 無咁易爆

-- 龍躉餐 -- (準備)

今晚老公買左條龍躉準備聽晚煮
分三味煮: 蒸, 炆, 炒
今晚先準備, 走一走油

上粉前用鹽, 胡椒粉醃一醃
上粉薄薄的就可以了

用中火炸

完成

海旁散步>>>

星期六同左佳少去海旁散步, 差不多行左個半鐘
影左好多相, 不過都係唔肯望鏡.........
個衰仔包唔鍾意影相
唔知係米好多狗都唔like???

佳少: 唔好逼我啦........

佳少: 見你咁辛苦, 等我定少少比你影d啦

手術後

佳少係上個星期六終於要接受絕育手術, o個日我既心情好緊張, 又好擔心
但係個衰仔去到診所一d都唔怕, 我交左條帶比姑娘後, 佢竟然自己拖住姑娘走入去
我同佢byebye都唔望下我.............

接左佢番黎, 佢係咁jump, 真係好想問下佢 "你唔攰?你唔痛既咩??....."
可能佳少既 "走路" 方式係咁啦......(似足佢親生阿媽---花姐)
我真係一jump一驚心呀
好在醫生手勢好.............如果唔係..........!

第一晚: 唔好睇佢咁乖, 所有人走曬佢先定番落黎訓下

過左幾日: 大家睇唔睇到個傷口(約5cm), 埋得好好,
                 多謝曬 "東區動物醫院" 既醫生, 之前佳少有咩事都係係呢度睇
                 都試過其他診所,不過......., 有一間ok,不過超超超超貴........               

東區動物醫院
香港筲箕灣道256號地下
電話: 2915 3999
星期一至星期六: 上午八時至晚上九時
星期日: 上午八時至晚上七時

長洲>>>>

早個月同佳少入左長洲玩,都未upload番d相tim

佳少: yeah~!準備出發

佳少: 你地游快d得唔得, d海水整到我對眼唔舒服呀......
老豆: 你米扮野啦

佳少: 哈哈,比你識穿左tim^^

佳少: 終於登陸了, 咁好太陽,梗係要整番日光浴啦!!!

八哥叔叔: 細路, 米亂黎呀,我識詠春嫁

佳少: 係??我都跟電視學過下, 不如過番幾招丫
八哥叔叔: 采你都傻, 有人抱住咁舒服, 要我落地, 難~~
佳少: (無言.....)

佳少: 上左船lu, 又見到妹妹喇, 真係有緣, 多謝陪我玩左好耐

佳少: 係米呢邊影相好睇d呀?!

過人生第一個生日

佳少今日過左人生第一個生日~~
我地為佢準備左一餐非常豐富既生日大餐
老細買左五十幾蚊牛肉, 佳少當然食到津津有味
而且對佢既新寵---牛骨,亦都愛不釋手

佳少: 快D啦, 仲要等幾耐呀

佳少: um.........正呀.......

佳少: 不出五分鐘, 我已經將佢地k.o. 左

沖涼

早幾日同佳佳沖涼, 沖完之後散曬.....
佳少要換毛, 所以搞到佳毛滿天飛
呢幾日都要一日吸兩次地呢

佳少: 吾吾~~有專人服侍, 好舒服

佳少: 吹完未呀,唔好掛住影相啦.......

佳少: 你搞咩呀......

佳少: 呢度只係d毛既四份一, 因為本大少要換毛毛呀, so