Mrs. Chan第二胎分娩過程

終於有時間同精神打下BLOG喇
等我SHARE番下生細佬既過程先

其實Mrs. Chan早係9月1號就有d先兆

見啡左兩日, 個肚又囉囉攣咁

諗住生得啦~點知又唔係

之後又無動靜.......

跟住我就日日勁行~

過左成個星期仍然......

人丁旺盛~~~~~~~~

點解話屋企人丁旺盛?!
因為魚家係9月份就會增添多一位新成員~~好興奮
就係細佬仔Tyrus
雖然係第二胎， 不過都幾緊張嫁
呢幾個月自己都少左打blog， 因為孕吐太厲害喇

Clarins---tonic body treatment oil

之前兩個朋友仔黎探我, 送左Clarins既tonic body treatment oil比我用
睇下佢張單張, 有好多產品係關於產前產後身體護理, 面部護理, 有D仲係可以瘦身
得唔得就要試下先知

順便一提就係我布陀阿b時買左支肚紋膏搽---mustela既double action
結果係有幾條紋係patpat位<唔係好深>, 肚就無
可能搽patpat位我比較懶, 無搽肚搽得咁密

tonic body treatment oil:
可令皮膚柔軟, 緊實皮膚, 改善腹部紋路, 避免肌膚鬆弛

尾聲喇~~~~~

今個月好似過得特別慢.........

不過諗番轉頭，有左就好似琴日既事咁
話咁快就黎39week喇

呢幾日特別攰， 同埋行得耐個大脾內側有d痛痛地既感覺
但係都無咩動靜咁
阿b, 你幾時出黎見爸爸媽媽呀，快d出黎一齊過第一個新年啦！！

唔知係米心情興奮定點，每晚訓落床都訓唔著
要半夜先訓著。。。。。

TEFAL 特福電蒸籠&gt;&gt;&gt;&gt;&gt;消毒奶樽

之前提過個奶樽消毒器係壞既, 而距離預產期又好近
我都唔敢攞咁遠去整, 年尾老公又超忙..........
咁就諗睇下會唔會買過個

先頭諗住買不銹鋼明火烚
但係我咁大頭蝦, 好驚............
加上有媽媽話如果用肥仔奶樽好易貼住個煲, 搞到融左
但係又唔想買多個電奶煲...........點算好呢????

後尾睇到有個媽媽用電蒸籠~~~ok wor
跟住今日就去左吉之島買左TEFAL 特福電蒸籠喇~!

可惡既tt奶煲

唉.....上年九月已經揀定邊隻消毒奶煲好
見好多媽媽都話tt奶煲ok
咁就係bb展時係吉之島買左，一心諗住新野都唔會有咩大問題就無試
點知。。。。前日攞出黎準備消毒d奶樽時就
發現竟然。。。。壞既，著左但唔識熱
簡直係火都黎，我未用過嫁
仲要等星期一先有得問

都唔知點算

再望一望個公司地址，係觀塘。。。。o~~~my god
無言~~~~~~~~~~~~~~
會唔會要我攞去整？

第十次產檢@3 Jan 2011

見馬醫生喇, 我d感冒仲未好.......
醫生就開左咳水同感冒藥比我, 食左一次就好左好多喇
無左鼻塞, 不過夜晚都仲有咳

阿b 6磅喇~~~進入倒數階段
老公話琴晚發夢抱住b同佢玩~~~哈哈哈哈

生病了 + 自己嚇自己

近幾日我同魚生都病左
我就唔係太勁，老公就差點
老公怕佢咳野到我，呢兩晚就做左廳長
可憐。。。

另外，仲有一件令我緊張既事
就係前晚謙b踢少左，而且我平時一訓低佢就踢踢
但琴晚訓低左好耐都無咩反應，加埋右下方位置又唔係咁舒服
咁我緊張起上黎就即刻叫老公入黎
好彩老公定d, 佢叫我起身行個圈睇下點
結果，一訓低就即刻伸左我兩腳，真係嚇親媽媽喇~~~

老公安慰我唔好太緊張，定d黎
因醫生之前有提過阿b附近有臍帶
雖然好普遍，但係都緊張丫麻~~

第九次產檢@20Dec2011

今次阿b有2.3kg<5.06lb>
keep住就ok la~~到生既時候就岩岩好喇!
唔知係米謙謙知道我地睇緊佢呢?!佢郁得特別有勁
好似耍功夫咁.........哈哈哈哈哈
而且睇到阿b腳仔圓圓, 脹卜卜咁~~好得意
我同老公講, 好想佢出黎o個時meet下佢<當然係細細力啦>

仲有一個月左右乍, 真係好好好好好期待呀

第八次產檢@6Dec2011

阿b size剛剛好係32week既大小, 有4lb喇~~~~~~

醫生話幾好~~keep住去到生應該有7lb左右

第七次產檢@17Nov2011

眨下眼就30週喇~~
時間過得真係好快, 醫生話阿b係大頭b, 中size, 可能似老豆掛, 個頭圓圓的
重量就有1.6kg, 大約3磅半
下次產檢要早點了<<12月6日>>

上午檢查完, 下午姑娘打電話黎話我之前係家計會個驗血報告少左項
而醫院要補番~~~32週前!!
咁我只好第二日就去比人抽多次血啦............

手鈎BB背心

前幾日突然想鈎番件比囝囝, 於是就去左JUSCO LIVING PLAZA買左d冷番黎
(本來唔諗住鈎嫁喇, 因為"懶")
跟住o個幾日就係咁鈎鈎鈎, 好快就完成左喇
個size應該著到一歲掛, 依家考慮緊鈎多件細d既等囝囝可以出世著



完成品:

懷孕生理變化

• 第一個月                                作嘔作悶

• 第二個月至第四個月            嘔到九彩, 頭暈, 鼻腔好乾

• 第五個月                                胃口開始轉好, 開始有腳抽筋, 頭暈持續

• 第六個月                                腰痛開始, 有少少肚紋, 頭暈持續

• 第六個月月尾                        右手皮膚敏感 / 濕疹?????(唔知係米因為換左洗潔精)     

     

第六次產檢@20 Oct 2011

今次我又重左8lb
下次重5-6lb好喇~~~~~~

今次醫生比左bb心跳我聽~好得意呀!
bb依家大概有2lb重
bb size正常~

bb中文名

其實一照完oscar我地就開始諗阿b個中文名喇
好快就諗好左，因為第二個字係跟族譜既
咁我地只係要諗一個字就得
叫"迪謙"^^~~都好似無提過阿B係男仔tim

Naraya袋 &lt;走佬袋 + 奶粉袋&gt;

今日出左去旺角行下
主要係睇下Naraya 既袋岩唔岩心水
我既<走佬袋 + 奶粉袋>盡量都唔想要有個大大個蝴蝶結
揀左一輪, 收獲豐富, 買左三樣野


走佬袋 + 奶粉袋  HKD204


HKD44

HKD96
呢個買黎送比媽咪既
因為之前買過另一個貴既牌子比佢
佢就唔捨得用, 咁呢個平平地, 一定捨得啦

痛痛痛@ 25week

呢兩日開始, 唔知點解patpat對落少少好痛, 其實之前都有痛, 不過係好輕微
琴晚係最痛既~~~行又痛, 坐又痛, 就連訓訓下轉身o個下都痛醒左.......
訓唔到就上網問下d媽媽, 有個媽媽話佢之前都試過
醫生話係因為bb越大盤骹越鬆，所以會痛
結果佢要食藥呢~!

點知, 今朝訓醒又無事了........
我都唔知點解???????

check 妊娠糖尿@11 Oct 2011

十點鐘去到化驗診所,
好快就可以抽血喇, 抽完血.....就要飲尚兩大杯葡萄糖糖水
我本身就唔鐘意食d太甜既野, 所以要我飲咁多杯糖水, 簡直........

剛剛飲左半杯時, 都唔覺太甜, 點知飲飲下愈飲就愈甜
um.........好難飲呀.............
只好頂硬上啦...............終於飲曬喇

飲完糖水又要等兩粒鐘
係診所坐左一個鐘頂唔順, 落去sogo行下先
買左支Mustela body lotion 同埋支 facial cream比bb

之後就上番診所抽第二次血喇
抽完就去左隔離"億世通"行下, 買左部增濕機($99)同一個迷你邊爐韓燒鍋($199)

Coco: 點解咁得意既?!  <個傻婆睇睇下仲走埋去"食煙"....... >

第五次產檢@22 Sep 2011

今日去左覆診, 六個星期無去馬醫生度
前個星期就去番林醫生度照結構

點知一磅重竟然重左10磅,........係"10磅"呀
醫生都話食野要小心d喇, 每星期最好只重一磅好了
唉~~~~要戒口......戒甜, 少食澱粉質
食多點鮮奶, 雞蛋, 同肉類

美素佳兒講座

今日去左美素佳兒個講座
剛去到時, 仲未入得就落左大堂度坐左陣
原來都幾多人

初初坐係度等緊開始時, 我同魚生都坐到有d想訓<可能係燈光關係啦>
我又係度諗: 會唔會好悶嫁?!

跟住就開始喇~~~

聽完又覺得唔係咁悶喎~~
第一part, 營養師講左d好有用既資訊比我地知
同埋餵母乳既好處同要注意既飲食
聽完之後我都係初期餵母乳

第二part, 註冊護士就示範點照顧bb
包括沖涼, 餵母乳, 掃風, 正確既抱b姿勢........
非常有用, 仲好好笑tim
好多gag呀~~~~

最後交番份問卷, 就有禮物收