人丁旺盛~~~~~~~~

點解話屋企人丁旺盛?!
因為魚家係9月份就會增添多一位新成員~~好興奮
就係細佬仔Tyrus
雖然係第二胎， 不過都幾緊張嫁
呢幾個月自己都少左打blog， 因為孕吐太厲害喇

知道有左細佬仔，我地本來諗住搵番接生波仔既醫生
不過好可惜醫生7月開始要進修，唔知點算好
後尾搵左林思穎醫生，林醫生好好，每次都好仔細幫我檢查
初初醫生話個胎細左一個星期，要兩個星期後再照睇下有無正常咁長大

好在~~之後都可以放下心頭大石
應該係因為遲左排卵
不過嗰兩個星期真係好漫長

到左12w:  
做左早孕期唐氏綜合症篩查

抽完血我無點坐一陣就落樓搭車
結果~頭暈..........@@
各位準媽媽真係要小心D~抽完血最好就叫抖抖先
仲要叫家人陪埋一齊去就安心好多

20w:
終於去照結構
醫生好好，講解好清晰
原來係長腿弟弟~
成個過程Tyrus不停郁，不過佢都好合作
要睇咩就比醫生睇^^真係乖仔

  

好期待下次既約會啊~!