踏入十個月大喇

唔經唔覺波仔琴日已經踏入十個月喇~~!

時間過得好快

快到有時連幾多號, 星期幾都唔記得左



Mrs.Chan 好開心可以做全職媽咪

可以陪住自己既小朋友成長

仲可以影抵好多好美好既回憶

睇住佢一日一日既進步

真係......

講番波仔~

食野方面無咩唔同

大致上都係咁上下

不過波仔特別愛吃蕃茄

另外~便便都ok

有時會硬點點咁多

只要第二日比番多少少菜佢食就無問題

古古惑惑

波仔依家有兩隻未出曬既牙仔

咬床邊, 玩具就一定

但係有時抱緊佢

而佢又發起牙痕上黎

好就口咁一啖咬落黎..........

你就舒服曬

我呢?............


波仔依家大個左就百厭左

同佢出去食飯

周圍郁

一定要有野比佢揸手

真係好手多..........

遲d大個d唔可以係咁呀

淨係睇上面兩幅相就知佢有幾百厭啦~!!

成日整古做怪咁..........

學野方面

依家可以放手企到幾秒咁大把

唔鐘意人扶

跌完自己再起身都唔鐘意比人扶住



非常鐘意撩人玩

放左落床仔, 會大叫

係咁丫~丫~~聲叫人

直至有人睬佢為止先收聲


波仔: 我又要.........

一大一小


簡報完畢~~~