呢日下午我地要番鄉下行清(清明)
所以要放低佳少同Co 姐係寵物店喇
朝早一早8:00就同佢地去北角遊
首先去左食早餐, 當然係大排檔o個d舖
佢地都好乖乖喎~~~
因為d 雨愈落愈大, 所以只好坐多一陣啦
等無咁大雨, 我地就行過去狗公園
經過碼頭o個陣見到好多麻雀仔, Co姐竟然想---"犬捕雀"呀
佳少: yeah~大地在我腳下~~~~
兩隻野既性格真係好唔同,
佳少唔鐘意落雨, 佢竟然識避雨......等無咁大雨先再玩過
而Co姐就好鐘意玩水(我諗)......因為佢會係開面走黎走去, 坐都要坐係出面
Co姐: 好正呀~濕曬~嘻嘻
佳少: 雖然唔擋得好多, 都好過無啦, 我先唔會好似佢咁蠢呀~哈哈
睇下佳少個樣幾嗲
佳少: 老豆, 唔好咁肉緊好喎......
好在唔係好大雨, 玩完之後上左個朋友屋企同呢兩個百厭星抺下身先
嘩~~~~~好污呀呀呀~~~~~~~~~~~~~~~~~
墨汁色既水
...........真係無眼睇呀吹番乾就同埋個朋友去番之前食早餐o個間度食lunch喇
食完之後就要出發去寵物店, 好唔捨得呀
當我地走既時候, 佢地就係咁吠..........
心都痛埋...........
我地同佢地講"我地聽日會番黎接你地嫁喇"
>.<
沒有留言:
張貼留言