Loreal指甲貼

失蹤數日

係時候update下個blog喇



前幾日見個朋友係facebook share左Loreal新出既3D指甲貼

mrs. chan貪得意都買黎玩下先

原來好簡單嫁

話咁快就完成左

岩曬我呢個唔得閒去修甲店修甲既師奶仔

方便快捷~~

新年等我再"痴"過第二款先 

剪頭髮~~~~~~~

今日同奶奶飲茶講開小朋友剪頭髮

會快高長大嫁

見波仔D頭髮都咁長

又成三個月無剪過

Mrs. Chan就seafood痕幫個囝剪下頭髮



不過我真係唔想好似上次咁產陸軍裝

唔滿意啊

我見波仔依家大個左D, 應該易產D

就挑戰下~~~

估唔到出黎個效果都唔錯喎

齊來看看波仔變身前後啦 


BEFORE                            AFTER


唔知波仔滿唔滿意呢?! 

呢個樣超似佢老豆 

波仔: UM............都唔錯既, 不過尚有進步空間 

幼兒園入學申請??!

近幾年同小朋友申請入學就好似打仗咁

我媽咪話我地當年無咁緊張嫁

其實我有諗過唔幫波仔報讀N班嫁

不過有朋友話有讀過N班既小朋友


報讀幼稚園時有優勢



話咁快就黎1歲既波仔

係時候要申請定喇

我唔想一個兩歲既小朋友咁快就要成受讀書既壓力

所以想幫波仔揀一間學習氣氛較輕鬆既幼兒園

同埋mrs. chan係全職媽媽丫麻

想波仔讀半日制的


希望入到心儀既幼兒園啦



最緊要波仔番得開開心心

咁我就放心喇~!

生日禮物

一月~~

呢個月係屋企好多人既生日月份

波仔啦, 我啦, 我家姐啦, 奶奶啦

今年我同奶奶就收到份生日禮物

Samsung tab2 7.0


mr. chan 
買左一人一部, 唔使爭~哈哈哈

可以用黎睇卡通, 上下網, 打下機

個螢幕大左, 睇片正左~~so good



講番少少之前

有晚同mr. chan出街買生日禮物比奶奶

mr.chan 見奶奶依家得閒會上下網淘寶 (我成日都覺得奶奶好新潮)
 
而且仲易過用電腦, 可以"一指走天崖" 

唔識打字又可以手寫

所以就諗住買部平板比佢用



揀完個款, mr. chan 叫sales攞多部

送比我做生日禮物

唔掛得知之前有個朋友話有部信用卡分換既benq可以平比我

mr.chan就叫我睇下先~~

超開心呀

多謝老公～～～

波仔床下底大探索

波仔 "好動" 非常

周不時擒黎擒去

四圍搵野玩

少D精力都唔得掂呀.........



呢日~佢就發現新大陸

我地同波仔玩緊

玩玩下佢就好快捐左落去床下底 

雖然mrs. chan每日都抹下姐......
 
都唔係玩到無野好玩呀




睇下佢個得戚樣丫.......

放心~影完呢幾幅相之後我就協助番佢出黎

事關佢應該未識爬番出黎吧?!


波仔: 我未想出黎住呀~~原來扒係床下底咁過癮嫁

睇住佢呢個樣

真係頂佢唔順呀

人仔細細.......就...........( 無言 )

魚家。便飯

終於有番d 心情寫blog

早幾日同奶奶食完拉面

第二日兩個人就係咁嘔

嘔到黃膽水都出埋

我以後都唔去食呀~~~



好喇

係時候po下魚家便飯

先黎咖哩雞扒




講少少mrs.chan白痴野

話說某日行過超市見到呢盒mrs.chan 自以為係煮熱即食咖哩

好快就買左番屋企

番到去準備煮時先睇到個盒有大大字"SAUCE"

真係發雞盲, 唯有第二日先買料煮啦

個汁都唔錯

幾岩食

下次可以買少辣試下

有日煮落左飯又出街食

所以留番第二日用黎炒飯

唐生菜+蒸排骨

某日打邊爐

好多送呀

食剩好多野

不過無浪費嫁

食淨左既肥牛比左co姐同佳少

滾左兩次等佢無咁肥

佳少: 正呀, 你地幾時再打邊爐呀??


第二日就用d菜心炒火腩

食淨既雞就用黎煮雞酒

無加到木耳, 因為見屋企有咩就用咩

咁就搞掂一餐喇

呢餐就係琴日~~

我就食粥

個米粉係主要比mr.chan食

胃口仲未完全恢復~!!!